مدرسة بشمس الاعدادية

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى تعليميى


    عادل ورمزى

    أحمد عبد الغنى السيوفى
    أحمد عبد الغنى السيوفى


    المساهمات : 95
    تاريخ التسجيل : 15/01/2011

    عادل ورمزى Empty عادل ورمزى

    مُساهمة  أحمد عبد الغنى السيوفى الأحد يناير 16, 2011 10:43 am

    اقرأ هذا الحوار وحاول أن تكتشف الاخطاء التى وقع فيها رمزى .

    رمزى : دولا حبيبى وحشنى خالص ، ايه مالك زعلان اوى كده ليه يا عم ؟
    عادل : سبنى فى حالى يا رمزى ، عندى مشكلة فى المدرسة ومش عارف اعمل فيها ايه ؟
    رمزى : مشكلة ايه كفى الله الشر قولى يمكن اساعدك .
    عادل : متاكد مش هتقدر هتساعدنى ،بس هقولك وأمرى لله ، أنت عارف انى عضو فى فريق الجودة فى المدرسة بتاعتى ، ومطلوب منى اعمل تقييم ذاتى لمجال المعلم ، ومش عارف حاجة عن ادوات التقييم الذاتى .
    رمزى: بس كده يا عم ، انت جيت للشخص المناسب ، انت نسيت يا دولا انى كنت عضو فى فريق الجودة فى مدرستى قبل ما اسيبها واروح الدعم الفنى فى الادارة .
    عادل :طيب قول يلاه بسرعة اعمل ايه ؟
    رمزى : بص يا سيدى عندك فى ادوات التقييم الذاتى : الملاحظة مثلا ودى عمليه بسيطة خالص يعنى لما تدخل الفصل تلاحظ لازم تدخل فى هدوء ، وتقعد فى المكان اللى يعجبك ، ولو لقيت المدرس بيقول اى حاجة غلط ضرورى تصحح له .
    عادل: ايه الحلاوة دى يا واد يا رمزى واضح انك فاهم فعلا يلاه قول ايه كمان.
    رمزى : مش قلتلك يا عم ده انا خبير فى ادوات التقييم الذاتى دى ، على فكره نسيت اقولك فى الملاحظة لازم تحدد هدف ومكان ووقت الملاحظة وتعمل ترميز للملاحظة .
    عادل : يعنى ايه ترميز الملاحظة دى يلاه .
    رمزى : يعنى تكتب اسمى (رمزى) قدام كل ملاحظة ، مش قلقلتك خبير التقييم يا عم . وعلشان ملاحظتك يبقى فيها ثبات وصدق لازم تدونها مره واحدة بس بوضوح ، واوعى يكون معاك ملاحظين غيرك احنا ناقصين دوشة يا عم .
    عادل: وبالنسبة للمقابلة بقى اعمل ايه ؟
    رمزى:بص يا سيدى المقابلة نوعين فردية لشخص واحد ، أو جماعية من( 8-10 ) أشخاص ولازم فى المقابلة تبقى شديد مع الناس وتخليهم فى موقف دفاع على طول علشان يقولوا كل حاجة ، وكل ما يقولوا حاجة مش عاجباك زعق لهم يا عم علشان يحترموك ، وياريت تعمل المقابلة فى مكتب مدير المدرسة علشان يبقوا خايفين ، بس متنساش يا دولا توحد الاسئلة يعنى مش تسأل واحد شفوى ، وتخلى التانى يكتب لازم علشان محدش يزعل منك . وطبعا تقولهم مفيش احاديث جانبية ، واوعى حد يقاطع زميله لازم توريهم شخصيتك يا عم .
    عادل : جميل يا رمزى طيب ايه بقى موضوع فحص الوثائق ده ؟
    رمزى: فحص الوثائق يا دولا يعنى تشوف السجلات بتاعتهم او المحاضر او الرؤية والرساله ، او الخطط وعلشان نلخص يا عم فى عندك طريقتين :فحص مباشر تشوف انت بنفسك ، وفحص غير مباشر تسأل حد غيرك يكون شاف الوثائق ، وفى الاخر تحط علامة صح قدام خانة موجودة او مش موجودة الموضوع بسيط خالص.
    عادل : دلوقتى عرفت كل حاجة انا مش عارف من غيرك كنت عملت ايه يا واد يا رمزى .
    رمزى : ايه ده ايه ده أستاذ رمزى لو سمحت

      الوقت/التاريخ الآن هو الخميس مارس 28, 2024 4:44 pm